மனித வரலாற்றில் வெற்றிகரமான தொழிலதிபர் மற்றும் குடும்ப வாழ்க்கையிலும் மிகச் சிறந்த ஒரு பெண்ணை பின்பற்ற வேண்டுமா?

மனித வரலாற்றில் வெற்றிகரமான  தொழிலதிபர்  மற்றும் குடும்ப வாழ்க்கையிலும் மிகச் சிறந்த ஒரு பெண்ணை பின்பற்ற வேண்டுமா?
அன்னை கதிஜாவின் வாழ்க்கையைப் பாருங்கள்:

அன்னை கதிஜா:

• கதீஜாவின் தந்தை மிகச் சிறந்த தொழிலதிபர் மட்டுமில்லாது, அன்றைய குறைஷிகளில் ஒருவர் 

• 1440 ஆண்டுகளுக்கு முந்தைய, அன்றைய ஆணாதிக்க முதலாளிகளில், மிகச்  சிறந்த பெண் தொழிலதிபராக வியாபாரத்தை சிறந்த முறையில் நிர்வகித்து வந்தார்

• விமானப்பயணமில்லாத, மிகவும் ஆபத்தான, உயிருக்கு உத்திரவாதமற்ற  நாடு விட்டு நாடு சென்று செய்யும்  அன்றைய வியாபாரத்தில் சாதனைப் படைத்தவர்   

• அவருடைய வியாபாரம், அனைத்து குறைஷி தொழிலதிபர்களின் மொத்த வருமானத்தை விட பெரியது மட்டுமில்லாமல் மிகவும் தரமிக்க மற்றும் நேர்மையான முறை கொண்டதாகும் 

• இவரின் நாணயமான வியாபார முறை மற்றும் கண்ணியத்தால் அக்கால மக்கள் "குறைஷிகளின் தலைவி" என்றும் "அல்-தாஹிரா தூய்மையானவர்" என்றும்  அழைத்து  வந்தனர்

• பல தொழிலதிபர்கள் இவரை திருமணம் செய்ய விரும்பினாலும், இவர் ஏற்காமல்  ஏழ்மையிலும் நேர்மையான, தனது ஊழியர்களில் ஒருவரான நபிகள் பெருமானாரை திருமணம் செய்து கொண்டார்;நபிகளாரை விட 15 வயது மூத்தவர் அன்னை கதிஜா 

• தன்னுடைய செல்வத்தை ஏழை மற்றும் அனாதைகளுக்காக செலவிட்டு வந்தார்

• தனது அனைத்து செல்வத்தையும் இறை வழியில் செலவிட்டு, நபிகளாருக்கு சிறந்த அரணாக தன்னுடைய இறுதிக் காலம் வரை வாழ்ந்தார்கள்.

•  தன்னுடைய கணவர் மேல் அளப்பரிய அன்பு வைத்திருந்தார்; நபிகளாரின் பிரச்சாரத்தால் கோபமடைந்த எதிரிகள், சமூக விலக்கல்  செய்த போது பெரும் செல்வந்தரான அன்னை கதிஜா அனைத்தையும் துறந்து தனது கணவரோடு  சென்று  மூன்று  வருடம் வரை கடும் சோதனைக்குள்ளானார்

மக்காவில் அடக்கம் செய்யப்பட்டுள்ள இடம்

அன்னை கதிஜா இறந்து பல வருடங்கள் கழித்தும்  அவர்கள் மீதுள்ள அன்பு ஒரு போதும் குறைந்ததில்லை. ஒரு முறை நபி (ஸல்), அவர்களின் அன்னை கதிஜாவின்  நெக்லஸை கண்டு அழுதார்கள்.

நபியவர்கள்  கதீஜா மீது கொண்டுள்ள அளப்பரிய அன்பின் மீது சிறிது பொறாமை கொண்டவர்களாக  அன்னை ஆயிஷா (ரலி) அவர்கள், "கதிஜா மட்டும் தான் உங்களின் அன்பிற்கு பொருத்தமானவரா?" என்று கேட்டபோது, நபியவர்கள் இவ்வாறு கூறினார்கள் :

"யாருமே என்னை ஏற்றுக்கொள்ளாதபோது, என் மீது முழு நம்பிக்கை கொண்டார். மக்கள் எல்லாம்  என்னை நிராகரித்தபோது, அவர் இஸ்லாத்தை ஏற்றுக்கொண்டார். யாருமே எனக்கு உதவி செய்ய முன்வராதபோது, அவர் எனக்கு உதவி செய்தார்."

மனித குல வரலாற்றில் சிறந்த நான்கு பெண்மணிகள் என நபிகள் பெருமகனார் இந்த  நால்வரைக் குறிப்பிட்டார்கள்:

1. அன்னை மேரி  (இயேசுவின் தாய்)
2. அன்னை ஆசியா  (எகிப்தின் அரசன் பிரவுனின் மனைவி)
3. அன்னை கதிஜா  (நபியவர்களின் மனைவி)
4. அன்னை பாத்திமா  (நபி (ஸல்) & கதீஜாவின் மகள்)

பன்றி இறைச்சி குறித்து நவீன மருத்துவ அறிவியலும், திருக்குர்ஆனும், பைபிளும் என்ன கூறுகின்றது என்று பார்ப்போம்..!

பன்றி இறைச்சி குறித்து நவீன மருத்துவ அறிவியலும், திருக்குர்ஆனும், பைபிளும் என்ன கூறுகின்றது என்று பார்ப்போம்..!  (Posted by Brother Tink Fair ) 

பன்றி இறைச்சி குறித்து விக்கிபீடியா

₹₹₹₹₹₹₹₹₹₹₹₹₹₹₹₹₹₹₹₹₹₹₹₹

2007 ஆம் ஆண்டில் கொலம்பியா பல்கலைக்கழகம் நடாத்திய ஆராய்ச்சியின் படி, பதனம் செய்த பன்றி இறைச்சியை உட்கொள்வதற்கும், நுரையீரலைத் தாக்கும் நோய்களுக்கும் சம்பந்தம் இருப்பதாக தெரியவந்தது. பாதுகாப்புப் பொருளான சோடியநைத்திரைற்று அதற்கு காரணமாகும். அதிக அளவில் பன்றி இறைச்சி போன்ற சிகப்பு மாமிசம் உண்பதால் பெருங்குடல் புற்றுநோய் வருவதற்கான சூழ்நிலை காணப்படுவதாக சொல்லப்படுகிறது. பன்றி இறைச்சி பொதுவாக உப்பு மற்றும் தெவிட்டிய கொழுப்பு அதிக அளவில் கொண்டதாகும். இவற்றை அதிக அளவில் உட்கொள்வதால் பல தரப்பட்ட உடல் உபாதைகள் ஏற்படுவதாக விக்கிபீடியா தெரிவிக்கின்றது.

மேலும் பன்றி இறைச்சி உண்பதால் ‘டேனியா சோலியம்’ -Taenia solium- (pork tapeworm) என்கின்ற புழு நமது உணவுக்குழாயின் அடிப்பகுதியில் நிரந்தரமாக தங்கி, அங்கே முட்டை இடுகின்றது.. இந்த முட்டைகள் இரத்த நாளங்களினூடாக பயணித்து இதயம், மூளை, கண், நுரையீரல் போன்ற உடல் உறுப்புக்களை செயலழிக்கச் செய்யக்கூடிய மிக ஆபத்தானவையென தற்போது கண்டுபிடிக்கப்பட்டுள்ளது. இது தவிர டேனியா சோலியம் என்ற புழுவைப் போன்ற மற்றொரு ஆபத்தான புழுவான Trichura Tichurasis என்கின்ற புழுவும் பன்றி இறைச்சியை சாப்பிடுவதன் மூலம் மனித உடலில் பரவுவதாக கண்டறியப்பட்டுள்ளது. டேனியா சோலியமும், Trichura Tichurasisம் ஒரே மாதிரியான பாதிப்பை ஏற்படுத்தக்கூடிய ஆபத்தமான புழுவகைகளாகும்.

திருக்குர்ஆனின் ஒளியில் –
₹₹₹₹₹₹₹₹₹₹₹₹₹₹₹₹₹₹₹₹₹₹₹₹₹

பன்றி இறைச்சி உண்பதை சர்வ வல்லமை பொருந்திய இறைவன் தடைசெய்துள்ளதாக இறைவேதம் திருக்குர்ஆன் பின்வருமாறு எடுத்தியம்புகின்றது.

“தாமாகச் செத்தவை, இரத்தம்,
பன்றியின் இறைச்சி , அல்லாஹ் அல்லாதோருக்காக அறுக்கப்பட்டவை உங்களுக்குத் தடை செய்யப்பட்டுள்ளன. கழுத்து நெறிக்கப் பட்டவை, அடிபட்டவை, (மேட்டிலிருந்து) உருண்டு விழுந்தவை, (தமக்கிடையே) மோதிக்கொண்டவை, மற்றும் வன விலங்குகள் சாப்பிட்ட பிராணிகள் ஆகியவற்றில் (உயிர் இருந்து) நீங்கள் முறையாக அறுத்தவை தவிர (மற்றவை தடை செய்யப்பட்டுள்ளன.) பலி பீடங்களில் அறுக்கப்பட்டவையும், அம்புகள் மூலம் குறி கேட்பதும் (உங்களுக்குத் தடை செய்யப்பட்டுள்ளன.) இவை குற்றமாகும். (ஏக இறைவனை) மறுப்போர், உங்கள் மார்க்கத்தை (அழித்து விடலாம் என்பது) பற்றி இன்று நம்பிக்கை இழந்து விட்டனர். எனவே அவர்களுக்கு அஞ்சாதீர்கள்! எனக்கே அஞ்சுங்கள்! இன்று உங்கள் மார்க்கத்தை உங்களுக்காக நிறைவு செய்து விட்டேன். எனது அருளை உங்களுக்கு முழுமைப்படுத்தி விட்டேன். இஸ்லாத்தை உங்களுக்கான வாழ்க்கை நெறியாக பொருந்திக் கொண்டேன். பாவம் செய்யும் நாட்டமில்லாமல், வறுமையின் காரணமாக நிர்பந்தத்துக்கு உள்ளானோரை அல்லாஹ் மன்னிப்பவன்; நிகரற்ற அன்புடையோன்.”-
(அல்குர்ஆன் 5:3)

இறுதி நாளின் அடையாளமாக இறைத்தூதர் இயேசு – (அலை) அவர்கள் பன்றியைக் கொல்வார்கள் என்று முஹம்மது நபிகளார் (ஸல்) அவர்கள் கூறுகின்றார்கள்.

“என் உயிர் எவன் கைவசம் உள்ளதோ அவன் மீது ஆணையாக! மர்யமுடைய மகன் (ஈஸா) உங்களிடம் நேர்மையான (தீர்ப்பு சொல்லும்) நீதிபதியாக இறங்கவிருக்கிறார்! அவர் சிலுவையை முறிப்பார்! பன்றியைக் கொல்வார்! ஜிஸ்யாவை (வரியை) நீக்குவார்! (அந்நாளில்) வாங்குவதற்கு ஆளில்லாத அளவிற்குச் செல்வம் பெருக்கெடுத்து ஓடும் என்று அல்லாஹ்வின் தூதர் அவர்கள் கூறினார்கள்”. – அறிவிப்பவர்: அபூஹுரைரா (ரலி),
நூல்: ஸஹீஹுல் புஹாரி-2222

பைபிளின் ஒளியில் –
₹₹₹₹₹₹₹₹₹₹₹₹₹₹₹₹₹₹₹₹₹₹₹₹

இறைவாக்கினர் மோசேயின் போதனைகளென நம்பப்படுகின்ற பைபிளின் பழைய ஏற்பாட்டு நூலான லேவியராகமம் அசுத்தமான மிருகமான பன்றியின் இறைச்சியை சாப்பிட வேண்டாமென்றும், பன்றியின் உடலைத் தொட வேண்டாமென்றும் கட்டளையிடுகின்றது.
“பன்றியின் குளம்பு விரிகுளம்பும் இரண்டாகப் பிரிந்ததுமாயிருந்தும், அது அசைபோடாது; அது உங்களுக்கு அசுத்தமாயிருக்கும். இவைகளின் மாம்சத்தைப் புசிக்கவும், இவைகளின் உடல்களைத் தொடவும் வேண்டாம்; இவைகள் உங்களுக்குத் தீட்டாயிருக்கக்கடவது.” – லேவியராகமம் 11:7-8

பன்றியின் இறைச்சியை சாப்பிட வேண்டாமென்றும், பன்றியின் உடலைத் தொட வேண்டாமென்றும் இறைவாக்கினர் மோசேயின் போதனைகளென நம்பப்படுகின்ற மற்றொரு பழைய ஏற்பாட்டு நூலான உபாகமும் கட்டளையிடுகின்றது.

“பன்றியும் புசிக்கத்தகாது; அது விரிகுளம்புள்ளதாயிருந்தும், அசைபோடாதிருக்கும்; அது உங்களுக்கு அசுத்தமாயிருப்பதாக; இவைகளின் மாம்சத்தைப் புசியாமலும் இவைகளின் உடலைத் தொடாமலும் இருப்பீர்களாக.” – உபாகமம் 14:8

பன்றி இறைச்சியை சாப்பிடுபவர்களை மிகக் கடுமையாகத் தண்டிப்பேன் என்று கர்த்தர் எச்சரித்ததாக பைபிளின் பழைய ஏற்பாட்டு நூலான ஏசாயா குறிப்பிடுகின்றது.

“என்னைக் குறித்து விசாரித்துக்கேளாதிருந்தவர்களாலே தேடப்பட்டேன்; என்னைத் தேடாதிருந்தவர்களாலே கண்டறியப்பட்டேன்; என்னுடைய நாமம் விளங்காதிருந்த ஜாதியை நோக்கி: இதோ, இங்கே இருக்கிறேன் என்றேன். நலமல்லாத வழியிலே தங்கள் நினைவுகளின்படி நடக்கிற முரட்டாட்டமான ஜனத்தண்டைக்கு நாள் முழுதும் என் கைகளை நீட்டினேன். அந்த ஜனங்கள் என் சந்நிதியிலே நித்தம் எனக்குக் கோபமுண்டாக்கி, தோட்டங்களிலே பலியிட்டு, செங்கற்களின்மேல் தூபங்காட்டி, பிரேதக்குழிகளண்டையில் உட்கார்ந்து, பாழான ஸ்தலங்களில் இராத்தங்கி,
பன்றியிறைச்சியைத் தின்று , தங்கள் பாத்திரங்களில் அருவருப்பானவைகளின் ஆணத்தை வைத்திருந்து: நீ உன்மட்டிலிரு, என் சமீபத்தில் வராதே, உன்னைப்பார்க்கிலும் நான் பரிசுத்தன் என்று சொல்லுகிறார்கள்; இவர்கள் என் கோபத்தாலாகிய புகையும், நாள் முழுதும் எரிகிற அக்கினியுமாயிருப்பார்கள்.” – ஏசாயா 65:1-5

கோபம் கொண்ட கர்த்தர் பன்றி இறைச்சி சாப்பிடுகின்றவர்களை உக்கிரமாக, அக்கினி ஜுவாலையால் தண்டிப்பதாக இறைவாக்கினர் ஏசாயாவின் போதனைகளென நம்பப்படுகின்ற ஏசாயா ஆகமம் எச்சரிக்கின்றது.

“தங்களைத் தாங்களே பரிசுத்தப்படுத்திக்கொள்ளுகிறவர்களும், தோப்புகளின் நடுவிலே தங்களைத் தாங்களே ஒருவர் பின் ஒருவராய்ச் சுத்திகரித்துக்கொள்ளுகிறவர்களும்,
பன்றியிறைச்சியையும் , அருவருப்பானதையும், எலியையும் சாப்பிடுகிறவர்களும் ஏகமாய்ச் சங்கரிக்கப்படுவார்கள் என்று கர்த்தர் சொல்லுகிறார்.”
– ஏசாயா 66:17

நவீன கிறிஸ்த்தவத்தின் நிறுவனரான சவுல் என்கின்ற இயற்பெயரையுடைய பவுலின் மார்க்கத்தை ஏற்று, பன்றி இறைச்சி பைபிளின் பழைய ஏற்பாட்டு நூலில்தான் தடுக்கப்பட்டுள்ளது எனவே, பன்றி இறைச்சி தங்களுக்கு அனுமதிக்கப்பட்ட உணவுதான் என்று வாதிடுகின்ற நவீன கிறிஸ்த்தவர்களுக்கு: –

‘வானமும் பூமியும் ஒழிந்துபோனாலும், நியாயப்பிரமாணத்திலுள்ளதெல்லாம் நிறைவேறுமளவும், அதில் ஒரு சிறு எழுத்தாகிலும், ஒரு எழுத்தின் உறுப்பாகிலும் ஒழிந்து போகாது’ – என்று குறிப்பிடுவதன் மூலம் ‘நியாயப்பிரமாணத்தை – பழைய ஏற்பாட்டை ’- நிறைவேற்றவே வந்தேன் என்று இயேசு (அலை) அவர்கள் கூறியதாக இயேசுவின் போதனைகளென நம்பப்படுகின்ற பைபிளின் புதிய ஏற்பாட்டு நூலான மத்தேயு ஆகமம் குறிப்பிடுகின்றது.
“நியாயப்பிரமாணத்தையானாலும், தீர்க்கதரிசனங்களையானாலும் அழிக்கிறதற்கு வந்தேன் என்று எண்ணிக்கொள்ளாதேயுங்கள்; அழிக்கிறதற்கு அல்ல, நிறைவேற்றுகிறதற்கே வந்தேன். வானமும் பூமியும் ஒழிந்துபோனாலும், நியாயப்பிரமாணத்திலுள்ளதெல்லாம் நிறைவேறுமளவும், அதில் ஒரு சிறு எழுத்தாகிலும், ஒரு எழுத்தின் உறுப்பாகிலும் ஒழிந்து போகாது என்று மெய்யாகவே உங்களுக்குச் சொல்லுகிறேன்.”
மத்தேயு 5:17,18

இயேசு , ஓரிறைக் கொள்கையை உரத்துச் சொன்னார். மக்களுக்கு நல்லதையே போதித்தார்..! அவர் போதித்தவைகளை முஸ்லிம்கள் பின்பற்றுகிறார்கள். முஸ்லிம்கள் பன்றி இறைச்சி சாப்பிடுவதில்லை ஆனால் கிருஸ்த்துவர்கள் சாப்பிடுகிறார்கள் ! முஸ்லிம்கள் மது அருந்துவதில்லை..கிருஸ்த்துவர்கள் அருந்துகிறார்கள்! முஸ்லிம்களுக்குப் போல் இயேசுவிற்கும் விருத்தசேதம் நுனித்தோலில் 8ம் நாள் செய்யப்பட்டது ( இதயத்தில் நுனித்தோல் இல்லை என்பதைக் கவனித்துக் கொள்ளவும்) முஸ்லிம்கள் அனைவருமே விருத்தசேதம் செய்கிறார்கள். கிருஸ்தவர்கள் செய்வதில்லை..! இயேசு விபச்சாரத்தை நெருங்கவேயில்லை..அதேபோல் இஸ்லாமிய நாடுகளிலும் விபச்சாரம் குறைந்தேயுள்ளது..! ஆனால் உலகில் விபச்சாரம் மலிந்த 10 நாடுகள் வரிசையில் 9 கிருஸ்த்துவ நாடுகளே முன்னணியில் உள்ளது..!

இதில் என்ன விளங்குகிறது என்றால், இயேசு ஒரு முஸ்லிமாகவே வாழ்ந்தார். முஸ்லிம்கள் பின்பற்றுவதையே போதித்தார்..ஆனால் கிருஸ்த்துவர்களோ பவுலர்களாகவே இருக்கின்றனர். பவுலையே பின்பற்றுகின்றனர்..!

இயேசுவின் பல போதனைகளை பவுல் சிதைத்துள்ளார்..இதற்கான ஆதாரம் பைபிலில் நிறைய உண்டு!. விருத்தசேதத்தினை சிதைத்தவரும் பவுல் தான்..!
இயேசுவின் போதனையில் பன்றி இறைச்சி விலக்கலும் இருந்தது..! 

கிறித்துவ, முஸ்லிம், ஹிந்து & நாத்திக விவாதங்கள்!

இறைவனின் சந்தியும், சமாதானமும் உங்கள் மீது உண்டாகட்டும்:

இங்கே கிறித்துவ, நாத்திக  கொள்கை உடையவர்களுடன் முஸ்லிம்கள்  நடந்த விவாதங்களை சேகரித்துக் கொண்டு வருகின்றேன். இன்னும் அதிகம் சேர்க்க வேண்டியுள்ளது. உங்களுக்கு தெரிந்த நல்ல விவாதம் இருந்தால் தெரிவிக்கவும்.


கிறித்துவ & முஸ்லிம் விவாதங்கள்:

1. குர்ஆன் இறைவேதமே வீடியோ
2.  பைபிள் இறை வேதமா? சென்னை விவாதம்
3.  கிறித்தவ பாதிரியுடன் விவாதம்
4. ஒட்டமெடுத்த விவாதம்
5. கிறித்தவர்களுடன் நேருக்கு நேர்
6. கிருத்துவர்களை மூச்சுத் திணற வைத்த விவாதம்
7. பாதிரியார்களுடன் நடந்த அதிரடி விவாதம்

நாத்திகர் & முஸ்லிம் விவாதங்கள்:

1. நாத்திகர்களின் மூட நம்பிக்கைகள்
2. இறைவன் இருக்கின்றானா?
3. குர்ஆன் இறை வேதமா?

Christian & Muslim Debates:


Sheikh Ahmed Deedat:

1. Famous Muslim Christian debate "Is Jesus God?" Ahmed Deedat Vs Anis Shorrosh
2.  Ahmed Deedat Vs Robert Douglas - Crucifixion - Fact or Fiction?
3.  Is Jesus God? Ahmed Deedat VS Erik Bock
4. Is Jesus God? - Ahmed Deedat vs. Stanley Sjöberg
5. Is the Bible God's Word - Ahmed Deedat Vs. Jimmy Swaggart
6. Crucifixion: Fact of Fiction? - Debate - Sheikh Ahmed Deedat V.S. Robert Douglas
7. Was Christ Crucified? Debate - Deedat VS Floyd E. Clark

Sheikh Yusuf Estes: (Former Christian Priest)

1. Christian / Muslim Dialogue: Satan's Art of Worship | Sheikh Yusuf Estes & Rev. David Millikan

Women Debate:

1. Aminah Assilmi & Deborah Scroggins (Full Debate)
2.  Muslim Christian Debate: Who Was Jesus? Sarah & Adnan
3.  Muslim-Christian Debate: Women & Marriage in the Quran and Bible

Killing Jesus

ஆத்திகன் Vs நாத்திகன்  என்ற முகநூல் குழுமத்தில் சகோதரர் டேவிட் பிரவீன், " Killing Jesus" என்ற ஒரு டாகுமெண்டரி பற்றிய செய்தியை பதிவு செய்து இருந்தார்:

// இயேசு ஒவ்வொரு முறை அற்புதம் செய்யும் போதும் ஜெபம் செய்கிறார். அற்புதம் செய்து முடித்ததும் அன்னாந்து வானத்தைப் பார்க்கிறார். அற்புதங்களைக் குறித்து மக்கள் அவரைப் பாராட்டும்போது அவர் வானத்தை பார்த்தபடி இருக்கிறார். இந்த காட்சிகள் தவறாமல் எல்லா அற்புதங்களிலும் காட்டப்படுகிறது. நான் இதுவரை பார்த்த இயேசுக் குறித்த படங்களில் இல்லாத காட்சி அமைப்பு.//


இந்த வரிகள் என்னை மிகவும் ஆச்சரியத்திற்கு உள்ளாக்கியது. இது பற்றி குரான் என்ன சொல்கின்றது  என்று பார்ப்போம்:

திருக்குர்ஆன், இயேசு பல அற்புதங்களை செய்துள்ளார்கள் என்று சான்று பகர்கின்றது:

1. தொட்டில் குழந்தையாக  இருந்தபோது மக்களிடம் பேசினார்:

"மர்யமே! அல்லாஹ் தன் வார்த்தை பற்றி உமக்கு நற்செய்தி கூறுகிறான். மர்யமின் மகனான ஈஸா எனும் மஸீஹ் என்பது அவரது பெயர். இவ்வுலகிலும், மறுமையிலும் தகுதிமிக்கவராகவும், (இறைவனுக்கு) நெருக்கமானவராகவும் இருப்பார்'' என்று வானவர்கள் கூறியதை நினைவூட்டுவீராக!

"அவர் தொட்டில் பருவத்திலும், இளமையிலும் மக்களிடம் பேசுவார். நல்லவராகவும் இருப்பார்'' (என்றும் கூறினர்)  [ 3:45,46]

2. இறந்தவர்களை உயிர்பித்தார்:

இயேசு களிமண்ணில் இருந்து பறவைகளை உண்டாக்கினார், குருடர்களை பார்க்க வைத்தார், தொழு நோயாளிகளை குணப்படுத்தினார், இறந்தவர்களை உயிர்பித்தார், மக்களிடம், அவர்கள் எதை அன்று உண்டார்கள், எதை வீட்டில் சேமித்து வைத்தார்கள் என்பதையும் அறிவித்தார். திருக்குர்ஆன் சொல்கின்றது:

இஸ்ராயீலின் மக்களுக்குத் தூதராகவும் (ஈஸாவை அனுப்பினான்.)

"உங்கள் இறைவனிடமிருந்து சான்றை நான் கொண்டு வந்துள்ளேன். 

- உங்களுக்காக களிமண்ணால் பறவையின் வடிவம் அமைத்து, அதில் ஊதுவேன்; அல்லாஹ்வின் விருப்பப்படி அது பறவையாக ஆகும். 

-  அல்லாஹ்வின் விருப்பப்படி பிறவிக் குருடையும், தொழுநோயையும் நீக்குவேன்; 

- இறந்தோரை உயிர்ப்பிப்பேன்; 

- நீங்கள் உண்பதையும், உங்கள் வீடுகளில் நீங்கள் சேமித்து வைத்திருப்பதையும் உங்களுக்குக் கூறுவேன்; 

நீங்கள் நம்பிக்கை கொண்டிருந்தால் இதில் உங்களுக்குத் தக்க சான்று உள்ளது'' (என்றார்) [3:49]

இதில்  "அல்லாஹ்வின் விருப்பபடி" என்பதை கவனித்தால் உண்மை புரியும்.  மேலே சகோதரர் டேவிட் கவனித்ததும் இதை மெய்ப்படுத்துகின்றது.

ஏனென்றால் சில சமயங்களில், இயேசு அவர்களால் அற்புதங்கள் செய்ய இயலாத தருணங்களும் ஏற்பாட்டன  என்பதை பைபளில் அறிந்துகொள்ளலாம்.

அற்புதம் செய்யும் முன்பும், பின்பும் இயேசு அவர்கள் ஜெபித்துள்ளர்கள், வானத்தை நோக்கி பிரார்த்தனை செய்துள்ளார்கள் என்பதும் நிச்சயமாக உண்மையே என்பதில் முஸ்லிகளாகிய எங்களுக்கு எந்தவித சந்தேகமும் இல்லை.

இறுதியாக திருக்குர்ஆன் கூறுகின்றது:

மர்யமின் மகன் மஸீஹ் தூதரைத் தவிர வேறில்லை. அவருக்கு முன் பல தூதர்கள் சென்று விட்டனர். அவரது தாய் உண்மையாளர். அவ்விருவரும் உணவு உண்போராக இருந்தனர். இவர்களுக்குச் சான்றுகளை எவ்வாறு தெளிவுபடுத்தியுள்ளோம் என்பதைச் சிந்திப்பீராக! பின்னர் எவ்வாறு திசை திருப்பப்படுகின்றனர் என்பதையும் சிந்திப்பீராக! [5:75]

குரான், சூரா மர்யமில், அல்லாஹ் மர்யமுக்கும், அங்குள்ள மக்களுக்கும் நடந்த உறையாடலை பற்றி சொல்கின்றான்:

ஹாரூனின் சகோதரியே! உனது தந்தை கெட்டவராக இருந்ததில்லை. உனது தாயும் நடத்தை கெட்டவராக இருந்ததில்லை'' (என்றனர்) [19:28]

 அவர் குழந்தையைச் சுட்டிக் காட்டினார்! "தொட்டிலில் உள்ள குழந்தையிடம் எவ்வாறு பேசுவோம்?'' என்று அவர்கள் கேட்டார்கள்.[19:29]

         உடனே அவர் (அக்குழந்தை), "நான் அல்லாஹ்வின் அடியான். எனக்கு 
        அவன் வேதத்தை அளித்தான். என்னை நபியாக்கினான். (என்று 
        கூறினார்.) [19:30]

நான் எங்கே இருந்தபோதும் பாக்கியம் பொருந்தியவனாகவும் ஆக்கினான். நான் உயிருடன் இருந்து, என் தாயாருக்கு நன்மை செய்பவனாகவும், இருக்கும் காலமெல்லாம் தொழுமாறும், ஸகாத் கொடுக்குமாறும் எனக்குக் கட்டளையிட்டான். என்னை துர்பாக்கியசாலியாகவும், அடக்குமுறை செய்பவனாகவும் அவன் ஆக்கவில்லை. [19:31-32]

 நான் பிறந்த நாளிலும், நான் மரணிக்கும் நாளிலும், நான் உயிருடன் எழுப்பப்படும் நாளிலும் என் மீது  சாந்தி இருக்கிறது'' (என்றார்) [19:33]

             -- Nadodi Tamilan --